今日介紹一位嚟自北京嘅靚女，佢個樣十分成熟，唔講仲以為佢已經有廿幾歲，但查實佢仲係一名90後嘅學生，今年先至啱啱19歲，真係畀佢呃晒！呢位靚女叫做馬冰玉，家陣一邊讀書，一邊當模特兒，由於佢外形成熟，甚有個性，所以深受攝影師嘅歡迎，出道唔夠兩年，就成為北京炙手可熱嘅模特兒，但由於佢要忙於學業，所以工作範圍只係喺北京，唔多唔少令佢嘅發展有啲局限，但冰玉一啲都唔心急，佢覺得自己今年先至19歲，將來有大把機會，目前都係以學業為重，而且仲有兩年就畢業，時間轉眼就過。咁識得諗嘅囡囡，將來一定前途無可限量！而冰玉點解樣子咁成熟呢？佢話自己都唔知，一讀高中就係咁嘅樣，而且成熟有樣好，就係襟老，睇嚟冰玉到四十歲，都係咁嘅樣，無論做明星定係名模，都有排做呀！