小弟每個星期總有三幾晚要同班兄弟落酒吧把酒言歡。之不過，每次知道我要落吧，女友一定會叫我帶埋佢去，美其名就係表示想藉機會同我班兄弟打好關係，但事實上梗係想Check住我有冇去溝女啦。以前我推搪佢都要不斷搵新藉口，但係睇完美國芝加哥大學一份研究報告之後，就搵到一個無敵兼永久合用嘅藉口喇！呢個報告表示男人不舉，除咗同年紀大機器壞有關，以及受到糖尿病等等因素影響之外，女伴同男性朋友之間嘅關係亦有影響。報告指出，如果認為女伴同男方嘅男性友人關係密切的話，93%嘅男性會覺得勃起困難以及難以保持長時間勃起狀態！我女友聽到之後，以後都唔敢叫我帶佢去認識班兄弟喇。