小弟身邊一眾兄弟大部分都已經結婚兼生仔。不過，佢哋雖然已有家室，但係行為同未結婚之前一樣，成日四圍溝女。原本我都覺得好正常，因為男人感情太多，梗係要四處投放，咁先可以保持心理質素穩定，兼夾可以減輕壓力啦（全部都係藉口！）。之但係，最近我睇過一單英國新聞之後，就奉勸各位男士唔好拈花惹草喇！早前英國一個女士入稟控告前男友，指出大家各自結婚之後兩年期間，前男友依然透過短訊、Facebook傳遞愛意，仲曾經邀請女方上其貨車，然後握手同錫錫，而以上種種行為都予以女方能夠同前男友再度交歡嘅假希望，由於最後都係冇進一步行動，因而令女方失望，所以女方要索償三十五萬英鎊！各位男士睇到啦，以後咪拈花惹草呀！