渡海濠情:囡囡講鬼古 男友好痛苦

斯斯文文嘅靚女,佢哋平時最喜歡諗乜嘢呢?今日搵嚟利澳水療嘅小雪,問吓佢平時諗啲乜嘢多,外表斯文大方嘅小雪,真係估唔到平時最喜歡諗啲鬼鬼怪怪嘅嘢,而且最喜歡講鬼古!

改編故事

今年19歲嘅小雪,外表弱質纖纖,但原來膽子極大,從小就好喜歡啲鬼鬼怪怪嘅事,睇咗唔少鬼古書同埋電影,而且成日都一個人半夜三更咁睇,佢話唔使搵人陪,搵人陪睇仲麻煩,原來佢搵親男仔陪佢睇,一半都未到,啲男仔已經唔敢睇落去,當小雪睇完正想再有下文時,十個有九個男仔都冇反應,咁又係,邊有人睇完鬼片仲有生理反應架,阿妹咁做真係強人所難,而小雪仲有一個奇怪嗜好,就係好喜歡講鬼古,佢話平時聽聽埋埋,會將啲故事加鹽加醋咁改編,成為自己嘅故事。

獨守空房

每當成班朋友聚會,小雪就會主動講鬼古,由於佢平時已經諗埋諗埋,所以啲鬼古真係幾嚇得人,無論男男女女都會嚇到攬埋一齊,但好奇怪,就係冇人敢攬住佢。小雪話:「有次去度假屋玩,四男四女一齊去,諗住有運行,我講唔夠三個古仔,佢哋竟全部入晒房,其中有間仲兩男一女添,我問個女仔點解唔留番一個畀我,佢話兩個男人陽氣多啲,咁會冇咁驚喎!真係畀佢激死,搞到我成晚守齋。」咁又係,邊有男仔喜歡個女朋友成個龍婆咁樣,建議小雪快啲戒咗呢鋪癮,可能會好啲!

小雪小檔案

年齡:19歲

三圍:35-23-34

興趣:講鬼古

撰文:賢 攝影:章