早排睇新聞話上海進行咗個調查，問當地人如果有機會申奧嘅話會唔會支持，點知有約八成人擰晒頭。佢哋咁厭煩呢啲大型活動，其實都唔怪得佢哋，皆因籌備搞世博期間，周圍都掘到爛晒，而物價、樓價更係飛漲，加埋舉行期間又大搞安檢，出出入入不知幾咁麻煩，因此唔鍾意一啲都唔奇！講咗咁耐，可能有人會問：「上海人撐唔撐申奧，同我哋呢啲『色』途老馬有乜關係呢？」關係就大喇！
君不見家陣為咗搞大運會，嚴打風吹足幾個月，仲要幾時停風都唔知！有啲大膽嘅玩家，頂唔順谷爆嘅痛苦，決定北上偷番薯，但同樣冇運行！畀人拉，未係，因為佢哋連場都未去到，就已經冇晒癮。點解？咪就係一連串嘅安檢累事囉！有老友前晚決定以身犯險。出咗關諗住去搭大巴，唔好意思，安檢條龍長到爆，又熱又冇冷氣，難頂！老友見狀就轉去搭地鐵，Sorry，都係要排長龍等安檢！老友就話算數！同公司攞假去CP玩過夜，點知情況一樣，等安檢兼排長龍買飛……老友忍唔住仰天大叫：「我想玩咋！」
撰文：鋼炮仁
嚴打風高危，安檢又到位，煩過上天梯，玩家請南歸！