我哋經常都要北上攞料，年中都睇過唔少奇聞趣事，但呢啲並唔係囡囡嘅性感艷照，而係一啲講都唔信，保證你笑爆嘴嘅趣事，今次就搵嚟三單，一於由大家嚟評評分啦！
夜場除咗會自己養一批囡囡之外，有時生意太好，就要搵吓外援幫手，好似東莞一帶嘅邪骨場，一到周末晚，生意好到做唔切，客人等極都冇女，老總惟有吹雞搵外援，而住喺附近嘅囡囡，就會出動過嚟客串搵外快，佢哋嘅住處離骨場通常都有一段路，行路一定冇可能，於是惟有坐「摩托」過去，但囡囡又唔捨得一人一部車，於是兩三個囡囡齊齊坐一架，所以經常出現圖片中嘅情況，據講當地最厲害嘅車手，一次過可以載四個囡囡，送佢哋返工，真係藝高人膽大。
個人評分：8個趣（最多10個趣）
每一個小區裏面都有色情髮廊存在，由於經營容易，成本唔貴，所以就算不停被人掃蕩，都會好似野草一樣，春風吹又生，而呢張照片，就係喺掃黃行動時拍攝，據講店內所有囡囡，都喺掃黃時被人拉晒，當老闆娘最後離開時，大家有冇留意到，佢竟然施施然將店門鎖上，本來咁有手尾，真係抵讚，但大家睇真啲，店裏面嘅燈係冇熄嘅，唔通佢諗住今晚拉去派出所只係坐一陣，之後就可以再返嚟開檔？內地有關單位辦事效率高就係人都知，但冇話快到封舖後轉頭又可以開檔啩！
個人評分：9個趣
如果大家有去過夜場囡囡嘅屋企，就會發現佢哋好多不為人知嘅事情，好似相中嘅靚女，外表斯文，人見人愛，喺夜場見到一定唔會放過佢，但打理家頭細務方面，就不敢恭維，所以大家都睇到佢間屋亂過亂葬崗，但亂都唔算有趣，有趣嘅係佢身後嘅囡囡，大家睇真啲，呢個囡囡因為梳化擺滿衣服，竟然唔去執，反而索性踎喺度就算，你哋話係咪搞嘢？據夜場媽咪透露，十個囡囡九個都係咁懶，所以有幸被囡囡誠邀上香閨，未必係件好事，而且最好有心理準備，否則一定會後悔。
個人評分：7個趣
撰文：賢