韓國近年推出市場嘅人工美女，實在多到令人眼花繚亂，能夠在當中闖出名堂，一定要有個人特點先得，就算明知係假，都要假得特別，閔秀雅就係其中一個假得好特別嘅車模，網民稱佢為「陶瓷娃娃」，因為佢個樣真係假到好似陶瓷公仔一樣，精雕細琢。
閔秀雅在2010年之前，人氣只是一般，直至她上年將外表再大執之後，終於在2010年捱出頭來，之前的默默耕耘終於無白費。首先是參加北京車展的時候，備受各界垂青，不少宅男開始發現這位陶瓷娃娃的魅力。所以在2010年的韓國車模排行榜上，第一次打入TOP40，對她來說，絕對是踏出成功的第一步。今年她再接再厲，不停出席各個重要車展，還有各式各樣的產品宣傳活動。
「我入行已經有三年時間，終於有機會受到注目，真係好開心，之前我雖然好努力，但係就差啲運氣，上年及今年係我事業上嘅轉捩點，我一定要好好把握，再向上衝刺。」
其實在三年的車模生涯中，佢都有試過心灰意冷，因為眼前很多師妹都比佢早一步受注目，自己內心實在唔好受。但佢自言天生毅力過人，所以唔甘心就此放棄，於是她接受咗一位好朋友建議，將自己的容貌再次大執，結果就係咁樣，終於受到外界嘅注目，正所謂富貴險中求，佢真係好有膽識。
「我都唔知出嚟效果會係點，總之我一定要搵方法，令自己可以突圍而出，要知道韓國實在太多美女，我只係冰山一角。所以要受到別人注意，就一定要與別不同，依家呢個人工化樣貌，有人會覺得好假，但係就係因為假，先至得到注意。」
年齡：27
三圍：34C-24-34
身高：5呎7吋
強項：擺甫士
撰文：荒木