大軍手記:手機要放好

唔少老友都喜歡去酒吧或者的士高搵囡囡,當情投意合時,就會帶囡囡返酒店開心吓,事後如果No Pay嘅就更有滿足感。不過,同囡囡玩一夜情時,各位真係要打醒十二分精神,小心自己嘅財物,我咁講梗係有原因,話說近幾個月身邊唔少老友都唔見咗手機,而且同樣係帶囡囡返酒店之後出事,最出奇就係佢哋唔見嘅全部都係近年大熱嘅iPhone手機,老友們又會咁失策嘅,事關一夜情囡囡想幾時走都得,如果玩得太攰,自己可能一時唔為意,於是囡囡就可以順手牽羊。

至於囡囡點解專門針對呢款手機呢?據講內地想要一部原裝手機,可以話難過登天,有錢都未必買到,即使有貨推出,又擔心會唔會係山寨版假貨,於是囡囡就向港人埋手,貪佢哋嘅手機係原裝正貨。所以唔想蒙受損失,北上時咪帶部靚手機上去呀!

撰文:大軍