裸體風不嬲喺歐美地方吹得甚勁，喺咁嘅情況下，就出現唔少裸體度假村、裸體海灘、裸體酒吧等，專為裸體愛好者而設嘅地方。不過講到全球首間裸體酒店，卻要到09年先至出現，呢間就係位於德國著名旅遊勝地Black Forest，一間名為Hotel Rosengarten嘅酒店。
呢間裸體酒店嘅規模唔細，除咗有三十一間豪華酒店房外，仲有桑拿室、泳池、室內運動館等設施，真係玩乜活動都得！話明係裸體酒店，規矩自然有別於一般酒店，原來所有住客入住呢間酒店後，就一定要先剝晒光豬，都要條條Fing並唔准圍毛巾。不過為保地方衞生，住客喺使用公共座椅時，卻要先鋪上自備嘅毛巾或毛氈。另外，住客更嚴格規定，喺住宿期間嚴禁性行為，以免引嚟不必要嘅麻煩。一經發現有人違規嘅話，就會被馬上驅逐出酒店。雖然規矩多多，但係可換嚟一個舒適又潔淨嘅裸體環境，相信裸體愛好者一定唔會介意！
撰文：阿豪