有老友對於東莞十分熟悉，每星期都留下不少腳毛，所以有乜風吹草動都十分清楚，繼去年九月開始不停被嚴打之後，地面上的娛樂場所幾乎被全面封殺，不過近兩個月已經慢慢開始死灰復燃，但之前的封殺事件令不少人搵唔到食，被迫要做些非法勾當。大軍有老友報料，近兩個月有些質素十分高的女孩子在街上向途人勾搭，好多不熟路嘅遊客就此上當，其實呢啲企街絕對唔簡單。只要略為用腦想一想，就覺得有些奇怪，因為佢哋樣靚身材正，以咁嘅質素又使乜做企街。實情係佢哋背後有一班為數六七個的彪形大漢(目及)實，一見到靚女搵到客，就會上去架步等候，一旦雙方埋牙之際，就會撲出嚟向事主勒索，呢個時候，事主全身赤裸裸，正如箭在弦，梗係任人魚肉喇！據聞有三名美國華僑，就是畀呢啲壞分子睇中咗，結果損失了六萬多元人民幣，好彩身體就無乜損傷，就當係破財擋災。所以初次去東莞玩樂嘅男士，一定要提高警覺，尤其是街頭有艷遇更加要小心，一旦上錯了賊船，失錢事小，人身安全事大，萬一對方狼起上嚟，真係唔講得笑。