科學家話世上最堅硬嘅鑽石曬得多都會蒸發，咁脫星嘅咪咪隨住歲月縮水有乜咁奇呢！好在脫星Suzie Carina早就開始用自摸方法抗縮水，更揚言對付臀部都同樣有妙不可言嘅功效，難怪副架生Keep得咁弗啦！
各位姊妹想擁有好似Suzie Carina一副驕人波哋，由今日起，記住早午晚各搓一鑊，仲要唔好喺陽光普照下曬對波喇！Suzie Carina解釋：「由發育過後我就發現，咪咪會隨住年紀慢慢縮水，然而縮水過程用肉眼睇根本睇唔出，因此姊妹都唔相信，加上胸圍洗完亦會縮水，至令各位以為咪咪從來冇縮甚至誤以為變大咗！」嘩！阿妹呢個咁驚人嘅發現，真係信不信由你，問題係若然真有其事，各位應點預防好呢？佢話：「唯一方法就係每日早午晚做搓波動作，令咪咪有足夠運動，增加血液循環及新陳代謝，作息定時及冇不良嗜好……」又係呢啲所謂大道理，我諗姊妹情願咪咪縮到變AA都唔會騷你囉！
雖則話阿妹守舊兼婆媽，但你咪理，由Suzie Carina入行至今，咪咪長期堅挺，望真啲仲好似大咗添喎，莫非係後天僭建嘅？「絕冇僭建，由十六歲時我咪咪嘥士係C Cup，到廿一歲時變咗D，期間我發現只要兩個月冇跟以上習慣做，咪咪尺寸就會縮得好快，之後再做又會升番而身形一啲都冇改變，真係唔到你唔信！」細佬就選擇信科學多啲喇，或者阿妹你嗰期水腫，甚或係你唔方便嗰幾日量度，而會有咁大轉變啫！
出生日期：1983年11月28日
三圍：34D-24-34
身高：5呎7吋
撰文：祖