一對夫妻如果要離婚，相信最着重嘅除咗分家產問題之外，女人最關注嘅就係兒女嘅撫養權，四仔女星都唔例外，Nikki Brooks最近就同老公搞離婚，為咗同老公爭囝囝嘅撫養權，佢決定減產一年，改變一向淫蕩嘅形象，希望可以有助打贏官司。
Nikki身邊好友透露，平時最鍾意夜蒲玩一夜情嘅佢，竟然戒晒所有夜生活，仲戒埋平時食仔唔抹嘴嘅本色。工作方面，更向公司申請減產一半，希望可以將自己嘅淫蕩形象徹底改變，營造一個好媽媽嘅形象，將囝囝爭到手。Nikki話自己其實同老公係奉子成婚，但係結婚唔到一年，已經知道大家唔夾，所以佢對呢段婚姻都唔係太留戀，但係最着緊就係囝囝，事關佢自問雖然唔係一個好老婆，但絕對係一個好母親。
「我其實係一個唔適合結婚嘅女人，一來我唔係好享受家庭生活，二來我又唔鍾意畀人管，最衰就係嗰次飲大咗，無做安全措施，結果同呢個老公搞大咗個肚，為咗囝囝着想，我先決定結婚之嘛，之後我發覺自己都係唔適合家庭生活，但係我好鍾意細路仔，絕對係一個好母親，唔會咁輕易畀佢搶咗囝囝。」
不過佢老公係圈外人，有一份正當職業，對於爭取撫養權的官司來講，贏面高佢好多，事關法官最重要考慮父母嘅職業背景。所以佢決定一改形象，希望可以亡羊補牢，鬼叫自己以前個底咁差，依家惟有盡量改，希望可以爭取一線生機。
「我都知自己嘅職業背景係有問題，最衰就係以前仲要爛蒲爛滾，又唔鍾意黐家，所以係人都以為我唔係一個好媽媽，其實我生咗佢之後，都已經蒲少咗好多，放工就即刻返屋企湊仔o架！不過周末就輪到老公湊，我咪出去玩囉！不過依家連周末都唔出街喇，為咗囝囝我可以唔夜蒲、唔溝仔，不過唔拍四仔就無收入，所以最多係減產，同埋揀戲拍，盡量接拍一啲以美感為主嘅四仔囉！」
三圍：34B-25-34
身高：5呎6吋 年齡：28
撰文：荒木