聽講喺台灣嘅一啲農村，有乜嘢喜慶日子或者節日，村民就會請啲脫衣舞娘，光着屁股表演助興，而呢個風氣，最近更吹咗返內地，有消息指喺福建一帶嘅農村，亦有樣學樣，於是有雞頭組織一個艷舞團，穿州過省咁表演，仲話包括埋色情服務添。
撰文：賢
據講呢個艷舞團，做咗半年生意左右，近日就喺某山區嘅農村「公開」演出時，畀人一網成擒，據稱囡囡有六七個，年齡由十九歲到三十五歲，佢哋全部都話係自願，冇人逼良為娼，而經調查所得，佢哋一個月平均去到十多條村演出，收入甚豐。
至於有幾豐厚，報道冇指出，但有網友推斷，每次演出最少都兩三千蚊，如果一個月有十幾單計，總有三四萬蚊嘅收入，再加上囡囡提供特別服務，佢哋呢一夥人收入都應該十分可觀，而更有網友報告話啲囡囡除咗收肉金外，表演時仲收到唔少大紅包。
原來佢哋係接柯打嚟做嘢，當村裏面有人升官發財、做大壽或者新居入伙等，啲鄉下人就會大排筵席，但有酒有肉冇餘興，似乎差咗少少咁樣，於是學台灣人搵啲艷舞團嚟表演助興，除咗有唱有跳，仲會做埋短劇相聲，一個至個半鐘頭嘅演出，絕對唔會有悶場，加上壓軸時，囡囡仲會剝光豬示人，掀起全晚嘅高潮，到會嘅朋友個個都玩得好開心，而囡囡剝光豬後，唔會就咁算數，佢哋仲會逐枱搵啲男人嚟親近吓，博啲男人打賞小費，當囡囡搞到客人性起時，仲話有埋下文添。
為咗博君一笑，呢啲脫衣舞表演，主要係以搞笑為主，所以囡囡唔識跳舞都得，有網友話睇過佢哋跳舞，完全甩晒拍子，都唔知佢哋跳乜？其實啲鄉下人又識得啲乜，總之有個女人，肯剝光豬畀佢哋睇吓，就已經心花怒放，見反應咁好，啲街坊真係排住隊嚟幫襯，有個囡囡一晚就接咗十個客，佢話第二日起身都冇力，要搵啲姊妹扶佢離開，雖然呢個艷舞團畀人冚咗，但據網友報料，同樣嘅艷舞團喺當地仲有好多個，要搵佢哋表演，一定要搵熟人介紹，所以大家想睇大可以問問啲老鄉啦！