叫得做90後，都係後生仔女，而內地就有啲夜場，標榜場內索女都係90後美少女，用以突出佢哋後生又嫩口。我就屈指一算，所謂90後，即係十幾廿歲左右，認真係卜卜脆！點知有老友同我講，遇到一啲標榜90後索女嘅夜場時，就要打醒十二分精神。事關呢個名詞相當取巧，萬一唔小心，隨時衰硬呀！
原來呢位老友早排去咗湛江一間夜總會玩，呢間夜總會佢都係初嚟步到，若非佢班朋友話嗰個場，有90後索女陪玩嘅話，佢都唔會去到咁遠。落到場，經理就帶班90後囡囡入房畀大家選美。老友就話：「班女真係90後o架！事關最大年紀，個樣都唔似有十八歲，於是我哋即刻響起警號。我同老友趁經理唔為意，就拉咗個囡囡出去問，究竟佢夠唔夠秤。囡囡起初係咁反問我哋，後生啲唔好咩？跟住喺我哋追問下，佢就拎咗張身份證出嚟。我哋睇吓個出生日期，係就係夠秤，但衰在張相唔似佢呢！須知道出嚟玩最緊要安全，最後我哋決定換場，求個安心好過。」
撰文：大軍