男士們沉迷上網社交及打機，冷落伴侶，造就出「網絡寡婦」。有不少英國主婦投訴，老公收工返歸就掛住上網，為此嘈過多次都未解決。但脫星Natalli DiAngelo話總好過一班四仔網民，掛住上鹹網自娛，連性交體位都幾乎忘記，唔係咁誇嘛？
Natalli DiAngelo認為若然丈夫只係網上社交或打機，而未減少真實性生活，作為伴侶應該感到慶幸。事關佢認識不少四仔迷，本來有美滿生活，無奈沉迷鹹網，以至現實生活中無法獲得性滿足，自己同伴侶都同樣受害！照阿妹咁講，似乎喺度倒自己米，皆因阿妹都係脫星一員，今日鹹網百花齊放，成行成市，即使你唔係原兇都係幫兇啦？Natalli DiAngelo解釋：「我承認現今鹹網太氾濫，亦冇要求過男人唔好睇，但絕冇人叫你現實同虛擬不分，作為一個負責任成年人，應該識分輕重，如果要我指導你如何正確上鹹網，咁我應該臨床教埋你正確做愛姿勢啦！」講得啱，問題係鹹網內容咁精彩，你叫男人點忍得手喎？
提起鹹網，Natalli DiAngelo都有專屬鹹網，據聞全球收費會員接近十萬名，數字相當驚人，而為滿足日益增加嘅會員，阿妹話有必要愈玩愈重口味，但另一方面又要平衡男人心理，當事人感到非常困擾，佢解釋：「作為一個負責任脫星，搵錢係理所當然，但過激嘅內容未必每位網友都識分辨，當一受唔起誘惑就靠自娛解決，結果只會影響正常性生活，表面上對四仔工業係好事，但長遠係壞事，因為物極必反，將來網友就會討厭四仔，所以間唔中我都要清淡啲演出，藉以平衡四仔生態。」嘩！估唔到阿妹不但大波，原來仲咁有遠見，各位姊妹想唔做網絡寡婦都難囉！
出生日期：1982年2月21日
三圍：36D-25-36
身高：5呎5吋
撰文：祖