朗尼雖然英俊靚仔，而且讀過幾年書，但係出奇地甘願做傢俬搬運工人，原因就係朗尼覺得呢份工勝在可以畀佢四圍去，而且搬運唔使用腦，慳番好多腦汁。今日，朗尼又收到柯打，要佢運張名家設計嘅櫈去到客戶美絲屋企。去到之後，美絲嬲爆爆咁開門，當朗尼問要搬張櫈去邊，美絲就只係話：「放入房得喇。」朗尼搬咗張櫈入房之後，就當住美絲面前拆開膠布，然後要美絲簽收。呢個時候，朗尼就問：「張櫈又真係幾奇怪，一邊就有長靠背，一邊就係矮手枕，搞邊科o架呢？」美絲就話：「張櫈係用嚟搞嘢用o架。」朗尼恍然大悟咁話：「哦，原來係合歡櫈嚟嘅。」