所謂一白遮三醜，若然女仔有一身白滑嬌嫩嘅肌膚，就算個樣艷光稍欠，亦一樣有吸引力，若然阿妹本身又靚皮膚又好，咁就一定好似內地女演員張嘉倪咁成為萬人迷喇。出生自四川成都嘅張嘉倪就讀過北京市音樂舞蹈學校以及北京電影學院，所以阿妹除咗識演戲，仲練得一身好舞功。亦由於張嘉倪氣質清新脫俗，儀態優雅，所以成為內地好多偶像劇女角嘅不二之選。
至於張嘉倪成名嘅起源，就要數到2006年喇。當時，電視劇《又見一簾幽夢》正想搵人擔演女主角紫菱一角，於是電視台就舉行一個叫做「尋找紫菱」嘅活動，張嘉倪就成功奪得冠軍，兼獲得演出機會。而張嘉倪參選嘅時候，其美貌令人驚為天人，仲形容阿妹擁有「如嬰兒般吹彈即破的肌膚」以及「攝人心魄的鳳眼」添！
噴血度：***
養眼度：****
百變度：****
評分（以五分為最高）
網址：http://blog.sina.com.cn/zhangjiani
撰文：賢