內地一啲大型展覽會，展銷商會搵好多Show Girl嚟幫手，佢哋都經過嚴格挑選，個個有樣有身材，着上性感制服後，自然成為來賓同龍友追捧嘅對象，其中部分仲有特別功能，認真係估佢唔到。
內地各大城市，不時都會舉行大型展覽會，讓商家尋找商機，為了增加吸引力，愈來愈多參展商倣效外國，派遣性感Show Girl上陣幫助推銷產品，同一時間大量Show Girl湧現，導致良莠不齊，收入下降，部分囡囡嘅日薪只有二三百蚊咋。加上工作不穩定，有時成個月只能接到一兩次工作，每次工作四日只得千零蚊，最慘仲要穿州過省，交通費都冇咗大截，單靠微薄收入，實在難以維持生計。於是，色情販子就利用佢哋唔夠錢使嘅心理，乘機游說瞓身出嚟賺取外快。
當佢哋有大批囡囡喺手嘅時候，就可以假借模特兒公司經營運作。色情販子會自稱為經理人，四出尋找獵物，最先就係展銷商，其次就係佢哋嘅客人，展銷會大多數都係由公司要員，由北京或上海嘅總公司以出差嘅形式嚟負責參展事宜，佢哋旅途寂寞，最易落入色情誘惑。此外，當客人傾成生意，對Show Girl生滋貓入眼，展銷商亦樂於做個順水人情，代為安排，其實就係交由色情販子代為處理。
據知情人士透露：「除咗展銷商同埋客人之外，有啲龍友或者來賓，有時都想同Show Girl單獨見面，我哋經理人就負責接洽，收費方面，每次一千至二千左右，話明單係見見面食吓飯，如果客人想有下文，就要同囡囡面議，一般短聚都要兩千元以上，而所有收入都會同囡囡對分，每次生意都唔錯，無他嘅，囡囡冇風塵味，而且又係Show Girl，客人可以一嘗香澤之餘仲有好大嘅虛榮感。」但大家要注意嘅係，嗰啲囡囡只佔好小部分，千祈咪亂嚟呀。
撰文：小德