大軍有好多老友都唔鍾意喺骨場食飯，佢哋話骨場有飯食都係為咗方便客人需要，根本唔係重點，所以大部分骨場嘅餐廳出品都係求求其其，有時候食咗咩都唔知。所以佢哋一致贊成一係食埋飯先北上，一係就上去搵間餐廳食完飯先按摩。再加上有啲老友成日溝正骨場嘅女，自然要約人出外食飯，然後順便有下文。所以大軍特別從老友身上攞咗個內地飲食指南，網上有好多餐廳介紹，好詳盡又有優惠。其實上去鬼混都一樣，最好去之前上網目及一目及，雖然骨場無網上指南，但係都有好多師兄對唔同場地嘅評語，睇吓絕對有益無壞，起碼心裏有數。不過最近大軍有個老友，就係信錯咗網上留言，話邊間場服務一流，結果佢上到去，完全唔係嗰回事，而且仲要比一般場地貴，所以佢懷疑係呢間場請人喺網上扮客放假料，大軍就話呢啲事其實好平常，撞唔撞到其實睇彩數，好多質素一般嘅場主，為咗爭生意，有時咩嘢招數都用盡，所以大家一定要小心分辨。