最近香港有唔少大型酒店落成，除咗夠高夠大，仲有大大個泳池配套。而咁大個泳池唔只可以用嚟游水，仲可以大搞泳池派對。入到去見到眾多比堅尼女郎左穿右插，感覺都咪話唔High。但係呢類泳池派對唔係成日搞，入場費亦肯定唔平，幸好嘅係內地亦有好多比堅尼派對可供遊玩。
撰文：賢
溫州雖然係浙江省屬下嘅地級市，但係由於早年好多溫州商人外流經商，到十幾年前回流返鄉下，帶咗大筆資金到來投資，令溫州經濟急速發展，繼而造就好多有錢人。據講，由於溫州民間資金相當充裕，所以令當地嘅樓價同物價高漲，市民消費一直都居於內地城市嘅前列位置。由於市民消費得起，所以令市內嘅娛樂事業亦發展蓬勃。而溫州最出名嘅就係洗浴服務，當地桑拿、足浴、按摩場所簡直係遍地開花，就算喺碼頭亦有按摩服務。除此之外，溫州夜總會一樣又多又豪華，早前北京天上人間被查封，溫州就出現咗一間相同級數嘅A貨天上人間，都咪話唔厲害！最近，有消息指出，溫州嘅夜場玩意甚多，更加有的士高舉行比堅尼派對。
久唔久睇西片，都可以睇到唔少青春愛情系列，當中最常見就係班後生仔搞派對溝女。而佢哋嘅派對主題眾多，有化裝派對，有牛仔派對等等，不過，最令觀眾印象深刻一定係泳裝派對喇。而呢類派對已經唔只於外國流行，溫州嘅部分的士高亦已經引入。其實深圳、東莞等地嘅夜場，好早已經想搞比堅尼派對，但係佢哋好多都係開宗名義進行色情服務，所以怕搞得太張揚，惹來當局掃蕩，惟有放棄。而溫州嘅的士高之所以成功，就係因為地方搞得高檔，而且場內一向都係循規蹈矩，所以玩到比堅尼女郎都冇有怕。而有幸參加比堅尼派對嘅朋友，可以見到場內泳裝美女滿場飛，唔單止台上嘅舞蹈員着住三點式，就連女侍應亦一樣泳裝上陣，真係睇到眼凸凸。
香港好多的士高為咗吸引客人入場，都會於一個星期七日之中，特別揀個日子定為女士日，當日女士入場免費，令唔少女仔都蜂擁入場。有咗咁多女仔，咁就唔怕冇男人幫襯啦。而溫州嘅比堅尼派對亦沿用呢個有女就有仔嘅道理，不過唔係所有女仔都免費，而係肯着比堅尼至免費，難怪比堅尼派對成日都爆滿喇。由於咁多女仔都換上比堅尼上陣，於舞池內聞歌起舞，自然波濤起伏，男士入去跳埋一份，點都可以食到波餅啦，成晚肯定食到飽一飽！