正所謂做嗰行厭嗰行，脫星Melissa Lauren近期都有同感，佢話自己入行已有四年，拍咗幾十部四仔，真係好疲倦，而且對日日做愛有些厭倦，反而好想試吓做賢妻良母，唔知係咪女人嘅生理時鐘鬧醒佢，係時候改變人生？
撰文：荒木
Melissa Lauren入行四年，在行內始終是半紅不黑，一來她的樣貌比較平凡，觀眾緣又唔係太好，令佢做極都上唔到位，又難怪佢會心灰意冷，佢已經有心理準備隨時轉行，不過一定要物色好男人先可以，因為佢想轉行做賢妻良母。呢個改變好大，所以一定會好謹慎，而且仲要好細心選擇老公，因為佢話要即刻生BB，為咗個BB着想，一定要搵個質素好嘅爸爸，唔同以前為咗上床而識男人咁兒戲。
「我以前晚晚出去搵男人，主要睇佢砌唔砌得，同埋夠唔夠耐力，依家搵老公就唔同，一定搵個溫文爾雅，有內涵又有耐性，先可以做一個好老竇同埋好老公，所以同以前嘅要求好唔同。」
對於一向淫蕩慣的她，一下子要一百八十度轉變做賢妻良母，唔好話好多男人唔信，佢自己都未必有信心做到喇！
「我知道要一下子轉變生活態度係有一定難度，但係我真係好厭倦脫星生涯，突然間好想人生有改變，呢份決心會令我咬緊牙關，努力做好一個賢妻良母。而且我喺四仔界撈咗四年，雖然半紅不黑，但係都搵到唔少錢，我已經儲起好多，依家係時候退下火線，畀其他更年輕更有活力嘅女星上場，所以搵個好男人嫁，係我目前最想做嘅事。我都知以我嘅背景，想搵個好男人接受我，真係唔易，我有心理準備，要貼錢嫁人！」
三圍：34C、23、34
身高：5呎5吋
年齡：28