大麻成：各位師兄，老實不客氣，我最近喺內地收埋咗件小三，初初嘅時候，佢不知幾溫馴，好似隻嗲貓一樣，日日同我做愛，鬼咁纏綿，又聽晒我話，任我舞上舞落，仲唔同我計較錢銀添，我心諗真係幾生修到，點知近日佢開始原形畢露，成日出盡辦法綁實我，唔畀我見老婆，仲話要生要死，叫我二揀一，今次真係有咁耐風流有咁耐折墮。
香港人：係人都知大陸妹唔易應付架喇，係你先同人玩真情，得閒上去滾吓咪算數囉，鬼叫你咁大貪，想學人金屋藏嬌，依家知死都無辦法甩身喇！
爛滾友：我認為男人養小三真係好難避免，尤其是神州大地咁多選擇，成街都係女人，多到都揀唔晒，不過你今次衰心軟，女人一話要死，你就無晒符，佢以後都食住你喇！
雞仔文：依家你無得走架喇！不如一邊氹住佢先，一邊想辦法返香港，從此一走了之，就算上去都唔可以畀佢知，玩失蹤係唯一辦法。老婆就得一個，小三就大把你揀。