男人有性需要，梗係想第一時間解決，假如未能去偷食，咁點算？玩色情視頻係最好方法，任何性幻想都可以滿足到！喺內地近年出現一種新式視淫集團，四百呎房間內，有十幾個囡囡幾乎全天候命，為人客服務！
色情視頻喺內地非常流行，甚至老中青男士都玩過。不過多數都係一對一甚或有時間規限，例如囡囡只能晚上至Online同大家裸聊，變相令玩家失望，不過今日呢個「視淫集團」就冇呢個煩惱，皆因佢哋喺架步內有過十條女長駐，每人一部電腦，最少同時可招呼廿幾位老闆！
一位現職視淫妹嘅琪琪表示，以往都有透過內地交友網玩視頻賺外快，但由於缺乏系統及規管，好多時因電腦故障或惰性，因而唔開工，收入非常不穩，其後加入網絡視頻集團，但收入仍然冇增加。「呢種玩法係人客先購買網站點數，然後挑選心儀囡囡玩視頻，但由於網站囡囡眾多，挑中你嘅機會極微，有時等一晚都冇運行！」直至年前收到相關集團招攬，琪琪正式成為全職視淫妹！原來集團買手主要透過網絡搜索，招攬現職視淫妹加入，公司會安排工作地方及一切器材，囡囡唯一職責就係同人客溝通及剝衫。除賺取底薪外，每月更獲花紅！
所謂視淫架步其實係一間不足四百呎嘅套房，房內設施簡單，有廚、廁、睡床等，當然唔少得搵食架生嘅電腦啦！據集團人士表示，通常每朝十點就開工，直至凌晨五點收工，分兩更制，每更六個囡囡，一入房視淫妹就要開電腦同會員客戶報到，如客戶在線就開始服務。「架步最多係各式各樣嘅性感制服，通常客戶會要求囡囡穿上不同制服，然後邊剝邊擺出淫穢甫士，假如開工時間冇客，囡囡就要上網搵客，直至有新客戶入會！」
至於新式視淫集團毋須買點數咁複雜，只要畀月費六百，就可以無限次同架步內嘅囡囡視頻，費用已包囡囡聊天及全裸，但若然想睇囡囡鏡頭前自娛表演，就要成為高級會員，月費盛惠一千，有玩家話貴，但亦有人認為一個價可睇咁多對波，絕對係物有所值！
撰文：祖