內地日前有報道，一位大婆全家總動員當街「招呼」二奶，將對方打到裙拉褲甩幾至全裸！但估唔到喺河北，居然有二奶中介服務公司，二奶主要職責提供性服務外，更幫「老公」打理埋公司事務，事關呢班二奶都擁有大學資格囉！
「二奶中介」據指最早出現於北京及上海，由於當地經濟起飛，老闆搵到錢，當然想左擁右抱、三妻四妾。同時坊間嘅婚介公司更擔當搵二奶職責，發展至今，河北最近更出現打正旗號嘅「二奶中介」公司。
當地傳媒踢爆，二奶包養價除按囡囡質素外，更要跟大學排名而定，排名愈高包養價可差數千至萬元。據其中一間二奶中介公司職員表示，其實內地發達地區，如北京、上海、溫州、深圳等都有二奶中介服務，無奈當地執法較嚴，因此要攞正牌經營惟有去較偏遠落後地區。服務員解釋：「其實二奶中介發展已非常成熟，行家早已建立地下聯網，假如上海客戶有需要，深圳中介人都可以代辦！」
當替人客搵到「準二奶」後，中介人就將囡囡資料及包養價目發送畀客戶，一切確認後就可成為正式二奶，中介人從買賣雙方賺取佣金。
過往外界認定二奶只識賣弄風情煲靚湯，而今日嘅二奶，原來更要有學識修養，因此二奶中介只挑選現役大學生或已畢業投身社會女性。中介職員話：「包得二奶必定係有錢佬，多數更係生意人，對佢哋嚟講，包二奶即係請秘書，與其花幾千近萬元請一個正職秘書，不如請個入得睡房上得工廠嘅私人助理，公私兩慾一個價錢滿足晒！」
中介人更表示，九成人客正為滿足隨時隨地隨心嘅性幻想。二奶當私人助理貼身跟隨見客，每當有需要就執劑，事後又變回秘書，返崗位繼續為公司打拚，咁淫亂嘅場面，從來只會喺日本AV劇情出現，今日居然能實現，難怪月花兩萬包一個大學生二奶，玩家都認為物超所值啦！能令二奶中介發展到成行成市，除咗因為囡囡貪慕虛榮外，包養方法簡便亦係主要原因。中介公司表示，最短包養期為三個月，人客先付一個月按金及上期即可，二奶到職後唔滿意可免費再換，期滿可私下續約，甚至搵中介公司再推介另一個，對「二奶」嚟講，就好似轉工咁輕鬆！
撰文：祖