阿基諾三世將南中國海改名西菲律賓海，難怪內地網民憤怒了！同期美國脫星Leah Luv亦因為唔覺意剃姊妹眼眉，成為眾矢之的，一心諗住搵網民平反，可惜外界不但唔支持，更插埋一份，睇怕阿妹都要自我雪藏一陣，否則連飯碗都冇埋呀！
Leah Luv呢鋪真係唔衰攞嚟衰，事緣現今美國四仔界不斷被外勞蠶食，搞到本土脫星無碇企，結果大部分美籍脫星要殺價搶飯碗，偏偏Leah Luv就大唱反調，透過社交網站發表個人工作表，仲留言話自己做到半死，有錢冇命享，咁都不特止，阿妹更同一班外勞脫星打成一片，行街濕平又上床錫錫，事後寫真更被網民喪傳，此舉擺明係剃同行眼眉。
成為眾矢之的嘅Leah Luv當然深深不忿，而當事人就認為自己一啲錯都冇，純粹係脫星條件不如人，冇工開實屬正常。佢話：「市場上脫星眾多，總會有人開工不足，亦有人會賺大錢，假如自己搵唔到食，就將責任推卸其他人身上，呢種人實在可恥！」唔講猶自可，一眾脫星上下都將責任由外勞歸咎於阿妹，事件更愈鬧愈大，家陣有姊妹已發起拒絕與Leah Luv同床演出。
之不過Leah Luv表示未驚過，更大膽對外公布，即使全美脫星拒絕合作，只要外勞肯同佢合作就無所謂，嘩！本來阿妹收聲相信好快無事，依家將外勞拉埋落水，擺明火上加油，連網民都插埋一份，要求Leah Luv當眾道歉，阿妹當然睬你都儍啦，但公司就唔係咁講，拿拿聲將佢所有戲份刪走，連準備發行嘅四仔都要煞停，無謂激起網民罷買行動影響收入。查實今次又唔怪得晒Leah Luv，只不過係脫星間玩權力鬥爭，阿妹忽然出嚟晒命，咁矛頭唔指向你至奇啦！
出生日期：1984年7月28日
三圍：34C、24、34
身高：5呎6吋
撰文：祖