唔少性學家都認為，間唔中轉換一下性愛場地，能夠增添性趣，除咗移師梳化、窗台、書房、浴室等地方之外，大家有冇試過喺廚房親熱？而脫星Capri Anderson話喺廚房大戰，玩法多變，勢必令情慾喺頃刻之間急速飆升喎！
現年23歲嘅Capri，加入美國成人電影界兩年都唔夠，憑着完美身材同埋出色嘅表現，備受外界注目，更喺有美國成人奧斯卡之稱嘅AVN Award中獲得多項提名，實力絕對有番咁上下。據知Capri做戲咁投入，全靠佢男友成日同佢曳曳，所以保持十足狀態。講到佢最喜愛嘅交戰地方，原來就係屋企入面嘅廚房。佢話：「每個人嘅廚房裏面，必定會擺咗好多調味料，喺纏綿嘅時候，你可隨手拎起唔同嘅調味料倒喺身上，然後任由對手細意品嘗，呢種玩法可以為雙方帶嚟額外嘅味覺享受。如果咁啱有啲士多啤梨、提子、菠蘿片、甘筍等蔬果喺雪櫃，更可以整爛佢淋喺身上再互相品嘗，呢種感覺又特別又刺激，仲好浪漫添！」
雖然Capri講到喺廚房做愛咁有樂趣，之不過整個過程都要企喺度玩，似乎有啲辛苦噃！Capri話：「無可否認，企喺度曳曳嘅招式唔多，淨係可以玩吓車仔式，又或者由女方扮樹熊咁攬住嚟大戰，但嗰種貼身嘅感受，能夠令雙方玩得零舍投入又肉緊，快感大增。」Capri確實有佢嘅道理，之不過廚房滿布危機，玩之前應該清理好雜物，將刀叉鑊鏟等危險品拎走。Capri話：「咁又唔使喎！有一次，一邊煎牛扒，一邊同男友大戰，當牛扒煎熟之後，我哋就啱啱完成，諗番起真係別有一番風味。」喺火爐邊咁危險嘅地方都可以放心大戰，難怪拍攝時上到床，更加駕輕就熟啦！
年齡：23歲
身高：5呎6吋
三圍：36、24、34
撰文：小德