假若以前有人問我，囡囡同玩家之間，會唔會產生友情嘅話，我就一定會話冇可能！事關以往嘅經驗話我知，囡囡鍾意錢多過鍾意你。不過早幾日聽到單嘢後，我就開始有啲動搖。事緣有老友，佢以前經常北上曳曳。唔少倉仔、馬檻都留低過佢嘅腳毛。之但係早排佢有大病，差唔多成年都冇北上。好彩佢最後都好番，而佢一好番就馬上北上。當時我聽到佢話北上，即刻扯火話佢，難得病愈點解唔養好身體先至去玩！點知佢話我知，應承咗個朋友，只要一好番就要去探佢。
聽到佢咁講我就覺得奇怪，原來佢朋友其實係佢以前經常幫襯嘅囡囡，老友平時差唔多每半個月都會搵佢一次。而囡囡從老珠到老深，其後再到HZ，後嚟囡囡冇做後，老友都經常搵佢食飯。聽到呢度我就諗：「會唔會係囡囡想溝仔，然後落嚟香港呀？」老友就話：「唔係咁樣，我哋平時都會發短訊聯絡，而我哋亦冇肉體關係好耐，最重要佢已經結婚生仔，而佢個老公我都識添！另一方面，喺我病咗呢段時間，佢唔單止發短訊噓寒問暖，有幾次仲落嚟探我病，我哋真係好老友o架！」老友仲話囡囡家陣買咗車，話等佢好番就車佢去玩。聽到呢度，大家覺得佢哋究竟係咪老友咁簡單呢？
撰文：大軍