人慾搜尋器：翻版章子怡

能夠進軍荷里活，係好多亞洲明星嘅夢想。不過，能夠做得到嘅人唔多，而最為人熟悉嘅女星就有鞏俐同章子怡。而提到章子怡，當年佢演嘅電影《我的父親母親》，入面嘅小村姑角色真係純情又討好，令人印象深刻。雖然家陣要章子怡回復純情就好難，因為佢已經成為一個成熟又艷麗嘅美人，但係亦有機會，因為內地嫩模界就有一位有翻版章子怡之稱嘅童瑤。

童瑤妹唔單止樣子同章子怡有九成相似，而且同樣學過跳舞，身材亦同樣偏向瘦削。童瑤妹清純脫俗，氣質上足以彌補身材不足，而最重要一點係童瑤演技備受肯定，所以唔少內地電視劇，好似《少年楊家將》、《林海雪原》都邀請阿妹參演，能唔能夠同師姐章子怡咁揚威海外，都係要睇童瑤夠唔夠運啦。