寬頻上網速度就話體驗極速快感，因乜解究家陣去尋歡都要快快快？原來喺河南嘅倉女，上房一劑只需五十人仔，無奈用作爆房嘅房間裝修非常簡陋，甚至連基本嘅空調設備都欠奉，玩家事必要同時間鬥快，否則慾火未消，更會搞到一肚火！
呢個世代冇冷氣慘過死，早兩日報載河南省鄭州市氣溫高達四十三度，當地公安大樓更「熱到爆炸」，成為
火城！
不過就算熱死都要搵食，喺當地嘅髮廊及倉女，焗住要喺冇冷氣情況下接客，照慣例，酷熱天氣下正常嫖友會大減七成，而雞頭為求「散貨」，只好將肉金大幅降價，照樣吸引大堆嫖友幫襯！據聞平日倉女叫價一百五十元起錶，最貴都只不過三百元，因為天氣勁熱，囡囡統統減一百，最低更五十元有交易。好筍？的確係史無前例抵玩，可惜囡囡不設外賣，只容許上雞頭架步交易，而房內居然連冷氣都冇，得兩把殘舊風扇及天花吊扇，任你慾火焚身，都難及高溫逼人咁難捱！
所謂賤物鬥窮人，平到五十元有交易，點都有貪小便宜玩家光顧，佢哋話雖然房間超熱，但無損心情，最多係同環境鬥快，平日交易時間一般為四十至六十分鐘，依家扣除沖涼時間，二十分鐘就完事。有玩家話：「天氣咁熱，最好沖凍水，雖然會影響床上表現，但肉價平，幫襯多兩次都賺番！」賤價食女消息更喺網絡瘋傳，連附近嘅玩家都貪過癮去幫襯，但有玩家表示雞頭因應天氣定價，下午四十幾度的確有五十元肉金，但入夜回落到三十幾度，肉金又變番一百五十，非常取巧！」
而雞頭亦坦白承認，減價只會按天氣及囡囡開工數目而定，至於冇冷氣提供，純粹想加快交易時間，加快囡囡流轉速度。雞頭解釋：「一部空調根本唔值錢，不過一百五十元肉金查實已好平，以往試過減服務時間，但只屬數字遊戲，事關人客超時都冇可能額外收費，依家冇冷氣供應，囡囡同玩家都快手快腳，搞完即閃，可以翻多幾個客o架！」
撰文：祖