網上招親都有人信？有，非常多，但雙方都知道所謂招親只係親一夜，交易而已！近年內地一些淫業喜以招親為名，賣淫為實，以避開執法部門，有賣方表示方法非常有效，更可吸引不少無謂人士關注。有囡囡對我講：「比起名正言順賣肉更收宣傳之效，只要上網一發帖，十分鐘內必有回覆！」囡囡解釋，現時不論你真假招親，網民事必會問你三圍及收費如何，所以係買家改變咗遊戲規則，令更多囡囡用招親之名搵銀！
人人都識得用招親搵食，要成功覓得如意郎君機會率相對減低，而囡囡為求一擊即中，事前就去影樓拍定性感寫真，方便同有心人交流。囡囡話：「閒閒哋一個討論區有過百招親帖，咁大競爭當然要諗啲噱頭，莫講話免費寫真，我連短片都自拍定，到差唔多埋牙就發送畀對方，幾乎百發百中！」成功對囡囡當然係好事，可惜自摸片於網上流芳百世，受唔受得住壓力，只有當事人至知！
撰文：大軍