完成手頭上工作，有薪假任放！筍呢？唔係發夢，美國有公司就行緊呢套政策，可惜筍Job永遠無法展現喺脫星界，理由係脫星剝少日都會畀姊妹蓋過，但Laura Crystal竟然話開工放假對佢嚟講冇分別，一樣咁陰功喎！
撰文：祖
開工等於放假，放假時又開緊工，邊得你咁錯亂o架！有喎，仲要唔只一個，係一大班脫星都係咁生活。據脫星Laura Crystal講，業界嘅工作除咗性愛錯亂，工作環境都好亂，以阿妹為例，一星期可飛足七日不同地方開工，有時連自己身處邊個國家都唔知。Laura Crystal解釋：「繼空姐以外，脫星應該係飛得最多嘅打工女性，理由係拍寫真離不開陽光海灘，因此脫星總要不停飛來飛去取景，另外又要同不同國籍演員合作，想腳踏實地，連發夢都冇可能！」阿妹一啲都冇誇張，現今脫星為要增加新鮮感，又要吸納外地市場，飛去當地取景好平常，問題係當事人覺得到達一個咁靚嘅環境，難免會令人聯想到放假，但現實又係開工狀態，難怪Laura Crystal話精神錯亂啦！
有壓力，點解決？冇得解，Laura Crystal話最佳方法就係以放假心情去面對眼前工作，因為愈輕鬆就愈容易投入，表現會更好！照咁講，開工咪仲好過放大假？「完全錯晒，先前話以放鬆心情去工作，但當你放工後就明白有幾痛苦，因為每當返到酒店，個人不期然變得緊張，完全無法放鬆，成晚瞓唔到，你未試過一定唔會理解！」應該緊張時放鬆，到可以放鬆就超緊張，難怪咁多脫星都自稱有精神錯亂，放假對佢哋嚟講即係入院求醫。搞到自己瘋瘋癲癲，有錢都冇命享啦！細佬都係捱死一世好囉！