如果提到髮廊，尤其係內地嘅髮廊，大家可能會諗起東莞一帶嘅色情架步，以及入面青春可人、打扮性感嘅囡囡，好少會諗到真係剪髮、電髮、染髮。有性感囡囡嘅髮廊就一定有色情服務，入去幫襯一定唔係為咗理髮？咁又未必！好似俄羅斯嘅一間情趣髮廊咁，入面嘅性感髮型師就絕對睇得又剪得喇。
呢間位於俄羅斯庫爾干嘅髮廊叫做「Adrenaline Men's Salon」，翻譯為中文就叫做腎上腺素男人髮廊，雖然個名古怪，但係又真係同髮廊相當貼切，事關入面嘅髮型師個個都係青春少女，而佢哋可以因應客人嘅要求而換上不同性感火辣嘅情趣套裝，入去幫襯嘅男人一定會腎上腺素激增，而出現亢奮。性感髮型師服務周到，除咗提供剪髮、洗頭，仲識按摩、修甲同做面膜，而且手勢有一定水準。不過，髮型師們表示自己絕對唔會為客人提供性服務，就算客人想毛手毛腳，輕則被踢出髮廊，重則被送官究治。
撰文：賢