早排有機會去北京旅行，大軍梗係第一時間安排好行程啦！計劃去天壇、故宮、長城呢啲地方？梗係唔係啦！我咁鹹濕就梗係唔會去呢啲咁有文化氣息嘅地方，而所謂嘅計劃，就梗係搵當地嘅老友收定風，睇吓呢個世界級城市，最近有乜嘢好玩，點知老友聽到後就大笑道：「唔係吓？天子腳下喎！有邊個夠膽喺度搞搞震呀？」「唔係喎，我記得好似有間夜總會都好出名喎！」「嗰間乜嘢人間收咗檔好耐喇！更何況，就算喺度亦冇乜關係，你都經常喺深圳嗰邊玩架啦！過到嚟仲去夜總會，真係勁唔划算呀！」
原來聽老友講，呢幾年北京對夜總會嘅管理相當嚴格，好多中低價嘅場被掃得就掃，剩低嘅就係一啲貴到冇譜嘅超高級夜總會，每個人平均消費起碼要五千人仔之餘，仲唔包括短聚喎！不過大家要留意，呢啲超高級夜總會並唔係招呼我哋呢亭遊客，而係要有熟客帶路或介紹，先至可以入去玩。咁係咪即係冇嘢玩？老友笑道：「咁又唔係，等你嚟到我再帶你去玩啦！」咁我後嚟去咗邊玩？等我有機會再同大家做個「包膠」啦！
撰文：大軍