幾時都話美國佬最幽默，好兄弟紅事未過頭七，即刻隊單白事出嚟贈興，真係抵死到呢！之不過攞彩不只華府，坊間嘅脫星都用自己方法慶祝，脫星Brianna Jordan就話紅事白事都唔夠佢嘅房事咁震撼喎！
見到人哋搞大婚直播咁成功，四仔界都不甘後人，Brianna Jordan就決定免費開拍一部全球網上直播嘅四仔大作，之不過現正同合作單位商談細節，若然成事，絕對係天下男人之福囉！聽聞阿妹初步構思四仔場景會選擇喺公眾地方進行，希望更多人可親眼見證，之不過法例所限，相信成事機會不大。而另一方面，Brianna Jordan對選角問題感到困擾，事關男優未必願意免費演出，而同時耐力亦係考慮因素。「我希望呢部全球網上四仔可表現出完美的愛，因此整部作品起用男女脫星各一名，女角當然係我，但綜觀現今四仔界，出色男優寥寥可數，部分有巨棒、小部分屬靚仔，但要耐力持久原來好難搵！」
困難又豈止搵男優咁簡單，事關單係爭拗轉播權，阿妹已同公司嘈到面紅耳赤，差啲仲要提早解約，原來阿妹希望呢個世紀大作喺個人網站直播，順道替個人網站好好宣傳一下，點知公司就話要喺公司官網轉播，難怪阿妹火都嚟啦！「呢次係免費個人演出，由籌備開拍到後期製作，都毋須公司贊助，因此公司理應冇權干預，所以我情願唔拍都唔益佢哋！」房事都未開波就搞出咁多風波，最後仲可能胎死腹中，究竟你哋係夾埋亂吹宣傳，抑或真係咁熱心想益街坊架？
出生日期：1982年12月1日
三圍：34F-26-38
身高：5呎8吋
撰文：祖