夜遊性地:裸體健身中心

近幾年健身風氣愈來愈盛行,小弟為咗改善體魄,塑造更壯碩嘅身體線條,亦加入咗健身中心做會員。不過,由於事務繁忙,所以小弟每個月都只係會去健身中心兩至三次。之但係,若然健身中心變成西班牙嘅呢一間咁樣,一個月去足三十日,每日做三餐我亦甘心樂意。位於西班牙巴斯克地區一間叫做Easy Gym嘅健身中心,最近容許會員裸體健身,中心內光脫脫嘅男男女女舉目皆是!會員入到去剝光豬就可以隨意健身,果然不愧Easy之名喎。當然,見到咁多光豬美女梗係開心,但係入到去做運動就有一點要留意,就係記住帶定條毛巾喇。因為,一般健身器械嘅座位大部分都係皮製,做運動做到出晒汗,好容易從座位跣低,出醜都事小,毫無保護嘅重要部位受傷至係大件事呀!

撰文:賢