四仔界有位巨胸女神，令不少男人為佢動容，佢就係Jenna Jameson，佢嘅巨胸有成34F，條腰只得24吋，真係令好多男人流鼻血，更有影迷追到入片場，直情當佢係自己嘅女神，仲試過有男人即場向佢求婚添！
Jenna Jameson出道已經五年，佢嘅巨胸一出場，就已經令所有影迷俯首稱臣，難怪佢入行以嚟一直都咁紅，而且片商對佢奉若神明，佢話想拍咩戲，就開咩戲，唔會令佢難受，事關有佢擔正嘅四仔，一定好賣，想唔錫晒佢都唔得喇！佢話自己呢對巨胸絕對唔係僭建，而係上天賜畀佢嘅最佳禮物，事關佢媽媽都係巨胸之輩，佢只不過承繼咗媽媽嘅優良血統，將巨胸精神發揚光大。
「我十四歲嘅時候已經有32C咁大喇！所以媽媽好早已經買好有承托力嘅胸圍畀我着，佢話女人個胸好重要，隨時靠佢食胡。所以一定要將對胸Keep得好好，之後我開始發育，個胸就愈嚟愈大。依家嘅34F可能唔係最後嘅Size，隨時仲有得發育架！」
至於片商對佢愛護有加，佢都好開心，證明自己受歡迎，而且有市場價值，先會得到咁好嘅待遇，金錢回報都仲係其次，備受尊重先令佢有成功感。佢話四仔界好現實，花無百日紅，佢拍多兩年，就會諗退休，費事畀人由天堂丟番落地獄。
「同行有好多姊妹以前都好紅，之後咪打回原形，片商同影迷都好現實，佢哋覺得你人老珠黃，就唔會睇你，唔會畀面你，仲好快咁減你片酬，一兩套唔收得，隨時無得撈添，所以我依家有咁貴就收咁貴，搵埋夠數就退休，費事第日現眼報。」
推介作品：《Dinner Party》
內容：有 Jameson擔正，自然大收旺場，好難得四仔有場景又有靚衫，仲有劇情添，絕對唔係馬虎之作，床戲更係交足功課，場場都嗌到拆天。
三圍：34F、23、34
身高：5呎7吋
年齡：28
撰文：荒木