話說老友好耐之前，就留咗個飯盒，當有需要時就搵對方出嚟打友誼波。本嚟成件事都好順利，點知早排佢個飯盒話去咗間我哋成日去嘅夜總會度做媽咪，自此以後就出事。皆因每次我哋去到，佢個飯盒介紹完啲囡囡畀我哋後，就坐喺老友身邊，好似當正老友實揀佢咁。有時老友偷偷哋揀咗第二個囡囡，畀佢個飯盒發現後，竟然彈走佢個囡囡，然後就坐埋嚟，搞到老友冇啖好食。最近老友話個飯盒，仲開始查佢電話，並且每個禮拜要交人。老友決定換電話，兼且唔再喺呢個場出現。慘在我哋呢啲唔關事嘅人，家陣每次去到嗰個場，都要畀飯盒問長問短，查問老友嘅下落。咁樣搞法，我哋相信好快就要換過第二個主場囉！
撰文：大軍