吸納粉絲
Stefani Morgan呢鋪都算賠了夫人又折兵囉！查實四仔界自製慾照並唔係新鮮事，甚至可以話係脫星上位必做嘅事！點解？皆因呢個係最經濟兼最快捷有效嘅宣傳方法，一部高清手機，拍低個人寫真及情慾短片，然後上載到各大網站分享，反應好嘅甚至自我起底，趁機吸納粉絲！而對脫星嚟講，剝衫上床係指定動作，行多步玩自拍根本冇蝕底！不過Stefani Morgan就冇運行，早前自爆有自製慾照，結果激怒男友而分手，更可惜嘅係外界對慾照零反應。佢解釋：「我相信係色情資訊太過氾濫所致，外界太多機會接受不同資訊，未必有機會睇到我嘅演出，但非常不幸，偏偏畀我男友發現我利用佢偷拍地下四仔，要分手我都無話可說！」
脫星不只虛偽，仲功利至極，Stefani Morgan被飛竟然毫無悔意，阿妹甚至認為做佢男友或朋友就應該撐佢，失去男友後，更開始向死黨打主意，早前又重施故技自製一部女同豆腐片，但始料不及嘅係，情慾片的確有回響，但話題唔喺阿妹身上，竟然係佢對手喎！Stefani Morgan話：「個天真係玩死人，我一心諗住孖妹上陣話題性更爆，點知男人鍾意嘅竟然係我姊妹，紙包唔住火，我惟有將真相告之，依家已經有片商搵姊妹簽約做脫星，聽聞條件仲比我好添！」呢啲咪叫賴嘢囉，以為利用人攞着數，如今反被人利用，睇你以後仲敢唔敢亂嚟！