大家成日都有睇日本嘅AV片，你估呢啲只有動作，甚少對白嘅三級電影，究竟有冇劇本嘅呢？答案原來係有嘅。咁大家又估吓啲AV導演，喜歡幾時同囡囡對劇本呢？喺佢剝晒光豬時候，定係一邊拍一邊講呢？
撰文：小德
最近日本某大AV雜誌做咗個調查，訪問咗廿個AV導演，問佢哋最喜歡幾時同女優對劇本。第五位係女優啱啱嚟到現場嘅時候，導演話呢個時候，畀囡囡知道成日嘅拍攝程序，佢哋會放心好多；至於第四位，就係喺囡囡化妝整頭期間對稿，因為囡囡坐定定喺度，導演講乜嘢佢哋都要聽，最啱啲過度活躍嘅囡囡；而第三位，就係女優沖涼之後換戲服之前，導演話呢個時候女優嘅精神最放鬆，有啲比較過分嘅要求，佢哋都會答允，呢招最好用嚟對付一啲阿姐級嘅AV女優。
而第二位，就係男女演員準備埋位嘅時候，因為導演可以一次過同男女演員講晒拍攝嘅情況，但由於日本AV界一直都係以女優主導，特別係阿姐級女優，導演唔特別同佢對稿，就係唔尊重佢哋，所以焗住分開，但一啲拍開嘅女優，就冇乜所謂。
至於第一位，就係女優換好晒戲服喺拍攝前嗰一刻先對稿，由於就快開機，所以對稿時間一定唔會長，導演只會講吓重點，女優就要憑經驗去配合，呢啲女優大多數都同導演合作無間，所以特別有默契，唔使講就心領神會，一啲實力派長青女優就用呢一套！