近期春暖花開，令我心情舒暢，不過年紀大機器壞，濕氣太重就會周身唔自在，兼且容易覺得疲倦添，相信就係同師傅所講嘅一樣，係因為濕氣太重所致。如果大家同我一樣，於呢段時間發覺身體有問題，其實唔使驚，因為我哋可以食用有「水中小人參」之稱嘅泥鰍。泥鰍營養豐富，除咗含有大量蛋白質可以補充體力之外，古籍都有記載泥鰍屬大補之物，對於細路哥可以幫助快高長大，對於男人亦屬滋補佳品，可以強精壯體，而且有調中益氣、壯陽祛濕之效，對於腎虛陽痿亦有輔助作用，所以大家不妨滾煲泥鰍湯嗒一嗒啦！
撰文：小德