最近收到風話深圳大學生運動會快將舉行，於是又要洗太平地，受影響嘅地區，包括全個深圳巿同埋寶安區一帶，至於龍崗區就仍然處於觀望態度，但由於近年掃蕩，會以交換警區嚟處理，另一區嘅人嚟掃人哋嘅場，人哋未必唔會好好回敬一番！
所以北上夜遊嘅朋友，短期內都唔好輕舉妄動，避免殺錯良民，而同一時間東莞夜場就大展拳腳，猛咁做宣傳，特別係電話短訊，佢哋鋪天蓋地咁發，唔少老友一日之內就接收到幾個唔同場嘅短訊，有話新女登場，有話減價酬賓，有話幸運大抽獎。
有老友問東莞又安唔安全呢？其實家陣冇話絕對嘅安全，啲老總愈話自己個場係鐵竇，其實就愈危險，建議去幫襯啲新開嘅星級酒店場，人哋啱啱開張，當然搭通天地線，而且唔會用千萬投資嚟較飛，所以相對一啲老牌場會較穩陣呢！
撰文：大軍