用初生之犢不畏虎嚟形容近期彈起嘅年輕模特兒，就最適合不過。因為呢班年輕模特兒唔只敢露又肯露，仲好鍾意作多方面大膽嘗試，好似較早前就有幾位，拍攝意識有多少猥褻嘅妄攝寫真喇！而相對於香港嘅模特兒，內地模特兒礙於尺度關係，的確係失色少少，但係講到樣貌、身材，以及青春魅力就一啲都唔輸蝕，好似黃一琳就係最佳例子喇！現年22歲嘅黃一琳生得一副娃娃臉，可愛程度直情勁過日本水着妹，而身材方面，琳妹亦一樣實力強橫，除咗有5呎8吋高挑身形，三圍亦有34-23-33！不過，最重要都係既係歌手，又係平面模特兒嘅琳妹絕不吝惜身材，拍寫真嘅時候幾性感嘅裝束都夠膽着，唔怪得大家都話後生就係最佳本錢啦！大家如果想欣賞琳妹衣裝有幾性感火辣，就要上佢嘅個人網站喇。