女仔如果識得作追上潮流嘅打扮，固然可以增加吸引力，不過潮流一過，呢個時候追趕不及，吸引力自然隨之大打折扣，若然一個女仔潮又得，古典又得，咁就非常難得喇！好似杜曉婷咁就屬於宜古宜今嘅美人。來自瀋陽嘅杜曉婷畢業於上海戲劇學院表演系，深受電視台歡迎，所以參演過好多電視劇嘅演出，好似《隱形將軍》、《鐵梨花》、《十三省》同《兄弟門》等大型電視劇，可見杜曉婷演技上乘。事實上，阿妹除咗演技了得，佢嘅美貌亦屬內地藝能界嘅極品，其氣質無論係拍時裝劇，定係拍古裝劇都咁適合，可謂非常獨特。雖然，杜曉婷因為要拍《隱形將軍》呢套劇而努力減肥，令豐滿身材變得纖瘦，但係其美貌同長腿一樣咁吸引，大家不妨多留意杜曉婷嘅博客，欣賞其電視劇造型照喇。