最近有老友介紹我去玩攝影活動，起初都冇乜興趣，但老友極力游說，於是就陪佢去玩，呢啲活動每次只限四個人參加，當然要先做會員，當安排好日子之後，大家就要第一時間報名，之後就夾兩三千蚊，交畀個會請模特兒嚟進行拍攝。
到咗指定時間地點，去到現場就見到模特兒出現，我哋今次個模特兒十分年輕，樣子唔錯，雖然化咗好厚妝，但都幾吸引人，之後同囡囡寒暄幾句，囡囡就換衫，第一套就係小背心配迷你熱褲，囡囡擺出性感造型，真係差啲流出鼻血。
其餘三個男生就拚命拍攝，而我就喺旁邊齋睇，之後囡囡仲換咗比堅尼同喱士內衣，足足拍咗兩個鐘後，而我正想同囡囡搭訕，點知有個經理人出嚟帶佢離開，最後連手仔都摸唔到，但老友就猛話好正，我都唔知正乜嘢？下次真係要諗過先！
撰文：大軍