所謂樹大有枯枝，內地骨場五花八門，出那渣招呃人客一啲都唔奇！而弊在家陣唔熟唔食，近日內地報紙就大踢爆，東莞有骨場經理夾埋技師屈熟客，前前後後呃咗萬幾人仔，呃得三五七個，隨時一個月搵幾年人工喎！
去骨場玩，最精明都係同經理以及囡囡保持一定距離，奈何大部分玩家為求方便或貪小便宜，事必同駐場服務員打好關係，早前東莞就發生咗數單呃客事件，其中一單最廣為人知嘅係一位富貴熟客於骨場唔見咗隻結婚戒指，為免家中嬌妻發老脾，熟客用盡方法都要贖回，而由於經理知道人客底細，要求對方先付一定「薄酬」，令駐場員工幫手尋找。消息指熟客先付上五千元人仔等消息，期間經理又再致電熟客到骨場，跟住當日服侍人客嘅技師就話一位已離職嘅清潔員執咗，要求再多付五千元贖回，否則不會現身云云，熟客惟有乖乖哋就範。事隔數日，經理同技師又再託詞，表示清潔員已將戒指押去「當舖」，要八千人仔才可贖回，而呢筆錢要人客先付，往後會全數退回，最終人客先後付出萬八元以贖回戒指，但錢就一去無回頭兼且未見戒指縱影，深深不忿底下決定報警拉人。
類似嘅騙案喺骨場經常發生，通常駐場職員都係吼準玩家背景而犯案，最常見係啲背妻偷食嘅玩家，然後偷人客身上戒指、手鐲、頸鏈等紀念性物品，因此玩家盡可能沖涼時將隨身物品放喺櫃內較穩陣！
而現時不只呃人客，甚至有骨場連見工者都唔放過，消息指長安有幾間骨場以請經理為由，要求對方見工時先自費試鐘，實情就騙對方消費。有受害者爆料：「骨場透過人傳及成人網站請經理，月薪比坊間高，但見工時就以見工者須熟悉一切骨場玩法為由，要同囡囡入房測試，因而要付肉金畀囡囡，為咗見得成工，無奈畀錢玩一鑊！」
受害者表示喺兩個不同骨場玩過兩次，但等咗超過一個月都冇消息，事後喺討論區發現不少男士都中過招至知領嘢！「經理」被呃，連女都唔放過，有骨場以擴充為由，大量招聘新血，總之係女入場都請，每人先收五百至一千保證金，結果係有工返冇鐘上，逼囡囡自動消失！
撰文：祖