成日都介紹啲性感尤物畀大家，今日換換口味，介紹一位嚟自成都嘅大家閨秀畀大家認識，佢嘅名叫做郭佳，呢位四川姑娘一啲都唔辣，而且仲十分清秀典雅，成個小公主咁樣，所以佢嘅寫真作品，都係以秀外慧中為賣點吸引網友。
郭佳讀書嘅時候就已經出道，所以佢初期嘅攝影作品都係純情學生妹造型，感覺特別清純，吸引唔少純情型網友嘅注意，但隨住經驗愈嚟愈豐富，近年都開始走性感路線，但都係以唯美為主，唔會過分賣肉，反而更加吸引人。喺佢嘅官方網站裏面，就收錄咗唔少郭佳嘅作品，當中亦有幾輯性感寫真，照片中賣弄嘅唔係身材，而係佢嘅氣質，但咪以為冇料到，大家睇落去都會慢慢愛上佢，嗰種無法形容嘅魔力，真係只有郭佳至可擁有，相信佢好快就會喺演藝圈獨當一面，但記住要多拍一啲性感寫真，令網友更加支持你！
噴血度：***
養眼度：*****
百變度：***
評分（以五分為最高）
網址：http://www.moko.cc/onlysakina/
撰文：小德