成日都聽政府話要喺香港發展展覽業，的而且確，每個月都有好多展覽於香港舉行。不過計我話，如果請到外國嘅成人娛樂博覽嚟香港舉辦，例如係Adultcon咁，咁先算係叻仔架！
作為亞洲人其實都好應該自豪，因為單係以成人娛樂為例，日本拍嘅三仔四仔風行全球，一直深深影響成人娛樂業界。另一方面，近年我哋中國地區更加舉辦過好多大型成人娛樂博覽，入場人次仲屢創新高添！不過，如果要真正做到超英趕美仲係差少少，不如就向美國嘅Adultcon取經，吸收一下佢哋嘅成功之道先啦！呢個Adultcon乃係世界成人娛樂界嘅一大盛事，自2001年首屆開始，每年都會舉行四次咁多，而地點主要就係洛杉磯同賭城拉斯維加斯，每個地點都會分別舉行兩次，而最近嘅一次就係喺洛杉磯，日子就係三月二十五至二十七日，由於每一屆都吸引超過三萬人入場，所以今屆亦唔例外！至於點解有咁多人湧住入場？原因有好多，等小弟為大家一一解說啦！
Adultcon貴為成人娛樂業界嘅盛事，主要原因就係每一屆都有大量成人用品以及四仔廠參與，而為咗推銷自己嘅產品，一眾成人用品生產商落到場就各出奇謀，除咗將自己最勁最新嘅得意之作擺滿攤位，更加會請來大量美女做推銷女郎，呢班推銷女郎仲會以極之少布嘅性感打扮上陣，有好多仲只係用膠紙貼住兩點出場添！雖然佢哋唔落本買衫，但係大家對於佢哋咁高嘅露出度一直都甚為欣賞。只要有客人埋去睇情趣用品，推銷女郎就會湧埋去溝通溝通，不時大送秋波，有幫襯的話，獻吻或者稍稍滿足一下對方嘅手足之慾亦一樣冇問題！至於到場嘅四仔女星通常都係受四仔廠邀請，主要工作就係同Fans合照同簽名，一般嚟講想一親香澤都唔係咁容易。不過，對於唔少創立咗自己嘅成人用品品牌嘅脫星就唔同喇！因為佢哋要出位，要搏殺，一樣會好似推銷女郎咁益街坊。
Adultcon現場除咗有大量索女之外，亦有好多蕩女，呢班蕩女來自脫衣舞團、SM藝術界以及主辦單位。入到場不難發現，主舞台上不停上演火辣脫衣舞，除咗見到班脫衣舞孃逐件剝，亦可以見到個樣有多少尷尬嘅素人男女，原因係脫衣舞孃絕不介意有人上台共跳辣身舞，令現場氣氛同台下觀眾嘅細佬一樣咁「高漲」！怕醜唔想上舞台一樣有得玩，因為現場好多SM藝術家開放門口，畀對SM有興趣嘅朋友到攤位內玩樂，講正確少少，應該係畀佢哋玩樂，事關一系列SM道具以及綑綁表演將會由SM藝術家利用客人嘅身體作示範！如果想靜態少少，亦可以參加近幾年引入嘅剝衫德州撲克，除咗有錢贏，仲可以贏到大會安排嘅囡囡剝光豬！玩到筋疲力盡，但係又未捨得走的話，唔少攤位都會安排大床畀客人使用，而且附設美女陪瞓員一名，當然世上冇白吃午餐，梗係要畀錢先享用到啦！
撰文：賢