上年嘅南非世界盃相信大家依然歷歷在目，除咗應該記得巴西同德國飲恨出局，亦記得神算八爪魚保羅，以及巴拉圭手機乳神。不過，就我嚟講，就比較記得因世盃而誕生嘅內地足球寶貝喇！因為佢哋標致嘅美貌、突出嘅身材，除咗令人眼前一亮，更加為我哋爭光！翻查過資料之後，小弟發現好多足球寶貝原來一早已經出道，好似索到震嘅韓媛媛就係其中一位喇！
今年26歲嘅韓媛媛於2000年參加全國新人山東區廣告模特兒大賽嘅時候，曾勇奪冠軍，到2009年更加成為山東著名足球隊山東魯能嘅足球寶貝，憑住迷人嘅眼神、火辣嘅身材而深受球迷愛戴，亦不時參與寫真拍攝，盡情展露驕人身材添！
大家如果想欣賞韓媛媛嘅美艷寫真，就唔好錯過佢嘅博客喇！
網址：http://courtenylove521.blog.sohu.com/#tp_pp
噴血度：****
養眼度：****
百變度：***
評分（以五分為最高）
撰文：賢