家陣日本睇咩都要開心，就算係AV，都最緊要有得笑先收貨！筆者咁講可能有啲誇張，但無論睇佢哋嘅電影節目，抑或AV，都覺得有咁嘅傾向。AV專家分析2011年又出現一個騎呢招式——180度擘腿，呢種招式無論AV女優，定係搞笑藝人都爭住做，為博觀眾一笑，騎呢都無計！
雖然AV專家沒有直言呢種騎呢招式係自創，但有留意日本的搞笑節目都知道，上年最紅嘅搞笑藝人たのしんご，因他自創的擘腿招式而一炮而紅。
AV專家分析，老將西野翔今年亦分分鐘因呢招「騎呢擘腿」反彈，形象百變嘅西野翔全憑肯搏肯捱嘅性格，加上靈活身手，早已揚名AV界，可惜她獨欠觀眾緣，入行五年總是贏口碑輸銷量。相信西野翔係時候想想獨創自己的風格，正在此時，她乘勢孤注一擲，喺AV裏頭大玩180度擘腿。大家要知道，日本嘅搞笑藝人只係玩數秒嘅擘腿，但西野妹就玩咗差唔多三十分鐘嘅擘腿，如果要加埋3P，分分鐘可以參加健力士紀錄。咁樣做法，西野妹點會唔辛苦？西野妹在新年曾向雜誌透露，為咗一口氣完成，拍片前已經喺屋企勤練功，可惜拍完後大腿肌肉仍然痠痛。為咗完成呢個高難度動作，辛苦晒啦，西野妹！
撰文：慾海