純真小象象：最近公司嚟咗個樣貌娟好嘅年輕女同事，不過留意得耐，就發覺佢相當有問題。因為佢嘅衣着非常隨便，闊衫領、大衣袖咁，成日都露晒個胸圍出嚟，如果溝到佢一定畀其他男人睇蝕晒喇！
笑一少：不修邊幅嘅女仔真係幾得人驚，我又有個女同事衣着有問題，不過咁都算，最慘就成日見佢捽鼻，捽完鼻又隨手抹落條褲，男人老狗都冇佢咁粗豪！
醒獅：你哋都未算慘，都係返工先見到，我女友就係呢種人喇！衣着唔襯色、唔啱身可以原諒，最令我唔滿意就係佢嘅內衣褲好殘好舊！好明顯就由白色着到變成灰色，真係令我倒胃口。
刺秦大切除：我以前嘅同居女友亦同樣令我慘不忍睹呀！返到屋企換衫，就將外衣內衣亂咁掉，我仲要賭錢架！撞口撞面都係女人胸圍同底褲，有運都走晒啦。所以為咗我嘅博彩事業，我決定同佢分手。